ജയപ്രകാശം

മഴപെയ്തു തോർന്നൊരീ ഇടനാഴിയിലെന്നുമി
ഒരു നോക്കു കാണുവാൻ കാത്തു നിൽപ്പൂ
എന്നെന്നുമെന്നിലെ മന്ദസ്മിതത്തിനായ്
തൻ മോഹങ്ങളെന്നുമേ മാറ്റി വെയ്പായി
അങ്ങകലെ പടിക്കലെൻ കാലൊച്ചയെത്തുമ്പോൾ
നിറപുഞ്ചിരിയുമായി ഓടിയെത്തും
ചുടുചുംബനമെന്നൊരു മാന്ത്രിക സ്നേഹത്താൽ
സ്വർഗാനുഭൂതിയിൽ മൂടിവെക്കും
പിന്നിടൊരിക്കലെൻ യാത്രാതൻ വേളയിൽ
അണപൊട്ടിയൊഴുകുന്ന നൊമ്പരമാവും
എത്ര വളർന്നാലും എന്തൊക്കെയായാലും
എന്ത് ലഭിച്ചാലും എന്ത് കൊടുത്താലും
പകരം ലഭിക്കാത്തതൊന്നു മാത്രം
മാറ്റുരക്കനാവാത്ത വാത്സല്യമെന്നുമെൻ
ജീവനിൽ ഊർജ്ജമായെന്നുമെന്നും
എന്റച്ഛനും അമ്മയും ആണാസത്യം